Tere chehre mein masoom sa....
Tere chehre mein masoom sa bachcha nazar aata hai
Muskura kar dekhna mujh ko, dil pe qehar dhaata hai
Jabeen par bikhar jaati hain teri zulfen jo pareshaan si
Apni unliyon se sanwaaroon, mann ye behek jaata hai
Ankhon main machalti hui shokhiyan, woh sharartain
Woh tera bachpan har baar mujh ko qatl kar jaata hai
Aur thak ke jo kar leta hai band apni aankhon ko kabhi
Apne aaghosh main bhar loon, dil mera tadap jaata hai
Tu kya jaane tere ishq ne kya haal kiya mera, ae Dilbar
Jis jaanib dekhti hoon, mujhe tu hi tu nazar aata hai !
No comments:
Post a Comment